Historievest

Denne bloggen er ikkje lenger i bruk

2008-12-01T10:47:00.001+01:00

Vi har flytt til ny adresse: www.historievest.no

Velkomen på kurs!

2008-09-11T21:02:00.003+02:00

Takk for kjapp påmelding til kursa! Vi startar allereie på mandag, så her går det unna i svingane. Slik ser lista ut så langt. Står du ikkje her, kan du framleis møte opp:

15.09 Sogndal (HSF, frammøte ved administrasjonen på avd. for lærarutdanning, kl. 16.00)
Jan Grønsberg
Marit Sjåstad
Einar Sæterbø
Johanna Jansen
Roger Edvardsen

16.09 Skranevatnet skole (eige kurs 11 lærarar, 8.30-10.00)

16.09 Bergen (Olsvik vg.skole kl. 1200, rom 011)
Ole Marius Jakobsen
Anne Svartveit
Åse Marie Een
Kjell H. Helland
Åke Rognes

30.09 Stord (Sagvåg skule, kl. 10.00)
Egil Petterteig
Kjell Byrkjenes
Mari-Ann Madsgard
Kjell Magne

Sagvåg er i gang!

2008-09-04T00:04:00.005+02:00

Egil og Kjell hadde klassen med seg på Vervadagane på laurdag og i går fekk dei læra å byggja båt og smi og klinka.
Dei skal no bearbeide film og bilete og lage tekstar om det dei har lært.

Sjå fleire flotte bilete på skulen sine heimesider

Video

2008-09-03T23:54:00.001+02:00

Som vi har snakka om tidlegare skal Mediesenteret ved HIB lage ein kort video om prosjektet på ca. 3-5 min. Denne skal vere ferdig i november. Innan den fristen når vi ikkje å besøke alle skulane og vi har heller ikkje ressursar til det. Vi har difor plukka ut nokre skular og gjort avtalar direkte med dei. Vi tenkjer likevel at vi skal kunne profilere alle skulane gjennom ein lenger film mot slutten av prosjektperioden. Då ser vi for oss at vi kan bruke noko av det foto- og filmmaterialet som de og elevane dykkar produserer. Det blir då ein slags digital forteljing om kva elevane (og lærarane) i dette prosjeket har opplevd. Synspunkt på dette?

prosjektskissene

2008-09-03T20:37:00.004+02:00

Minner om at de finn prosjektskissene dykkar på koplinga http://home.hib.no/ansatte/bop/VH/prosjekt.xml. Her kan de redigere etterkvart som opplegga blir meir konkrete (etter kvar skisse finn de ei lenke som heiter 'rediger skisse'). Vi nyttar desse til å halde oversikt over kva som skjer når på dei ulike skulane. Vi brukar også skissene til å informere samarbeidspartar (td. arkiv) om kva dei ulike prosjekta handlar om. De finn også lenke til desse skissene under 'sentrale dokument' i høgremargen.

Tilbakemelding

2008-08-26T15:15:00.002+02:00

Vi slit litt i prosjektleiinga med å få planlagt det vi treng å gjere i haust av di vi ikkje høyrer frå dykk. Fleire av dykk som skal gjennomføre (starte) prosjekta i haust har fått epost frå oss, der me ber dykk om å gi ei tilbakemelding på status. Vi ber om at de snarast tek kontakt slik at vi kan få avklara dei spørsmåla vi sit med.

Kildenett - ny nettstad frå Riksarkivet

2008-08-11T14:44:00.002+02:00

Riksarkivet har no laga nettsider spesielt tilpassa skulen. Her kan elevane arbeide med originalkjelder og arbeidsoppgaver. Det er laga lærerrettleiinga for lærarane. I fyrste omgang er det 2. verdskrig som er temaet dei fokuserer på. Nyttig også for refleksjon og øving i bruk av kjelder generelt. www.kildenett.org

Tidsplan

2008-08-04T13:07:00.003+02:00

Me prøver no å få oversikt over kor tid dei ulike skulane planlegg aktvitetar. På grunnlag av skissene de har laga ser det slik ut. Me ber om at de tek kontakt der det står 'uvisst' eller '?', eller om de har endra på planane:

Skule	H08	V09	Uvisst
Sogndal		x
Lærdal			x
Eidsvåg	x?	x
Sagvåg	x
Tangen	x
Skranevatnet	x?
Skulestad		x
Sunde	x	x
Olsvik		x
Hafstad	x
Naustdal			x
Knarvik	x	x

Fagstoff til den nye nettstaden

2008-07-28T13:14:00.003+02:00

Den nye nettstaden til prosjektet skal vere klar til skulestart. Der vil de mellom anna finne korte innføringstekstar til dei overordna temaene de arbeider med (industrialisering, samferdsel osb), samt lenker til ressursar under kvart tema som er nyttige for elevane. Frå kvart overordna tema vil det også vere lenke til dei skuleprosjekta som sorterer under kvart tema (td. industrialisering -> Tangen skule, Eidsvåg osb.) På desse sidene vil de som lærarar få tilgang til å publisere eigne tekstar og peikarar til ressursar som er relevante spesielt for dykkar prosjekt. Såleis håpar vi å kunne byggje bru mellom det lokale og det regionale og skape rom for refleksjonar over korleis lokalsamfunna inngjekk i ein større regional og somme tider nasjonal / internasjonal samanheng.

I samband med arbeidet vi gjer for å tilrettelegge fagstoff på nettsidene, vil vi kontakte dykk for at de skal kunne kome med innspel på korleis tekstane fungerer i forhold til det de måtte ynskje å bruke dei til. Vi ber om at de er litt på utkikk etter epost frå oss ved skulestart og svarar så snart de har anledning.

Gratulerer!

2008-07-01T09:11:00.002+02:00

Anne Synnøve, Kjell, Nils Tore, Ole Marius og Roger er no registrerte som bloggforfattarar! Registrer deg du også så kan du bidra med synspunkt og spørsmål i bloggen (Korleis? Sjå epost sendt nokre veker sidan) Dei som har registrert seg må gjerne trene litt! Ei lita sommarhelsing kan vi trenge før prosjektet tar av for fullt til hausten.

Du kan no skrive i bloggen.

2008-06-17T12:11:00.002+02:00

Alle lærarane i prosjektet og prosjektleiinga kan no skrive innlegg her i bloggen. Blogg-sida vil bli knytt opp mot den nye nettstaden når den er klar, og fungere som prosjektside der vi kan utveksle spørsmål, tankar og idear av prosjektintern art.

Du skal ha motteke ein automatisk tilsendt epost der du blir beden om å registrere deg om du ikkje har blogger-konto frå før. Du kan bruke vanleg epost til skulen for å opprette kontoen.

Legg inn ein kommentar her om du ikkje får det til, så skal vi prøve å hjelpe.

Kurs

2008-06-16T15:44:00.003+02:00

Vi har drøfta behovet for ytterlegare kursing i IKT-relaterte emne i prosjektleiinga. Vi ynskjer svært gjerne at skulane her seier noko om kva de ynskjer. Vi ser for oss at vi kan arrangere ein kurskveld i fire regionar (Bergen, Sunnhordland, Sogn og Sunnfjord) tidleg på hausten. Her vil det vere aktuelt å diskutere korleis vi har tenkt at prosjektet sin nettstad skal brukast av lærarar og elevar og kva rolle lærarane har når det gjeld å kvalitetssikre elevarbeidet. Det kan også her vere aktuelt å vise / prøve ut korleis ein lagar til dømes enkle digitale forteljingar, eller anna de ynskjer at vi set fokus på. Kom med innspel! Bruk kommentarfunksjonen her på bloggen.

Når skjer det?

2008-06-16T15:34:00.002+02:00

Har du hugsa å legge inn / oppdatere datoane for når de tenker dei ulike delene av prosjekta dykkar skal gjennomførast?

For å kunne gjere eit godt arbeid i prosjektleiinga er vi avhengige av å vite noko om når det skjer spandande aktivitetar rundt om på skulane. Eksempelvis er vi i januar inviterte til å presentere prosjektet på Digital Hverdag sin utdanningskonferanse i Bergen. Vi ynskjer sjølvsagt å framheve den konkrete aktiviteten i skulemiljøa i den korte tida vi har fått til råvelde. I fylgje prosjektskissene er det berre Tangen, Sogndal og Sagvåg som skal gjennomføre prosjekta sine i haustsemesteret og som vil vere aktuelle å referere til på konferansen. Stemmer det?

Photoshop on-line

2008-06-10T09:56:00.002+02:00

Ole Ekroll har gjort meg merksam på at Photoshop no tilbyr lagring og redigering av bilder gratis online (opp til 2G). Registrer deg og prøv her: https://www.photoshop.com/express/landing.html

Redigerbare prosjektskisser

2008-06-09T15:31:00.003+02:00

Som vi vart einige om på samlinga er prosjektskissene dykkar no tilgjengelege for redigering på nett. De skal alle ha fått ein epost av underteikna med ei lenke der alle skissene er tilgjenglege for redigering

Skissene er ikkje tilgjengelege for ålmenta enno, men vi tenkjer oss at samandraget til kvar skisse og kontaktinformasjonen vil bli tilgjengeleg saman med den nye nettstaden til skulestart. De treng såleis heller ikkje bry dykk med utsjånaden til skissene. Dette er berre til internt bruk førebels.

HUGS!

2008-04-30T12:26:00.003+02:00

Ta med bærbar pc om du har.
Ta med stoff (bilete, tekstar, gjenstandar) digitale eller ikkje, som de har tenkt å bruke i prosjektet og som de kan arbeide med i Geoatlas eller Memoz.

Program - endeleg versjon

2008-04-28T10:41:00.002+02:00

Programmet til samlinga neste veke er no lagt ut under 'sentrale dokumenter'. Gler oss til interessante diskusjonar og sosialt samvær!

Samling - påminning

2008-04-22T09:27:00.004+02:00

Vi ber de av dere som ikke har meldt seg på til samlingen på Kvikne hotell, om å gjøre det innen kl 12.00 onsdag 23. april.

Fint om dere sender meg påmelding på e-post: anne.gro.dalland@hib.no eller tar kontakt på telefon: 55 58 57 57.

Vi mangler fremdeles noen prosjektbeskrivelser, og det hadde vært fint om jeg fikk disse tilsendt på e-post før samlingen.

Samling - påmelding og førebels program

2008-04-16T21:43:00.003+02:00

Vi har no lagt ut eit førebels program for samlinga i mai. Ein endeleg versjon blir lagt ut ved månadskiftet.

Som nemnt tidlegare vil mykje av denne samlinga bli via opplæring / demonstrasjon av ikt-verktøya vi gjer tilgjengelege for lærarane og elevane i dette prosjektet. Vi ynskjer svært gjerne at de tek med dykk relevant materiell (bilete, tekstar, litteratur) som de kan nytte når de lagar eige digitalt materiale. Vi håpar også at så mange som mogeleg kan ta med eigen bærbar pc (m. trålaus oppkopling). Dersom du ikkje kan det, sei i frå ved påmelding.

Påmeldingsfrist er altså kl 12 den 23. april. Det er viktig at det held denne fristen ettersom vi ikkje kan halde reserverte rom særleg lenge etter fristen.

Ser fram til å sjå så mange som mogeleg!

Oppdatert oversikt

2008-04-02T13:24:00.002+02:00

Oversikten over tema som skulane vil arbeide med i prosjektet er no oppdatert. Du finn den under 'sentrale dokument' til høgre. Oppdateringa er basert på skissene de har utarbeidd og oversikta er sendt til fleire fagpersonar som vi har invitert til samlinga.

Ein liten statusrapport

2008-03-31T15:40:00.003+02:00

Prosjektleiinga har no besøkt nesten alle skulane og hatt gode og nyttige samtalar om opplegga til dei enkelte. Avtalane er også så godt som i hamn, men vi ventar framleis på at enkelte skular sender oss prosjektskissene digitalt. Ver gild å sende desse så fort som råd til Anne Gro (anne.gro.dalland@hib.no)

No planlegg vi neste samling. Eit førebels program vil bli lagt ut her ein av dei næraste dagane. Kom gjerne med innspel til tema vi bør ta opp på samlinga!

Neste samling

2008-02-14T21:26:00.004+01:00

Dato for neste samling er 5. og 6. mai. Om vi får det til har vi tenkt å halde til på Kvikne hotell i Balestrand http://www.dehistoriske.no/hotell/kvikne-s-hotel/.

Til denne samlinga planlegg vi å arbeide vidare i tematiske grupper og lansering av den nye nettstaden. I tillegg skal alle få prøve dei ulike dataverktøya som blir gjort tilgjengelege gjennom den nye nettstaden.

Prosjektskisser

2008-02-11T12:33:00.001+01:00

Prosjektskissene har no byrja kome inn. Det er bra! Vi vil gjerne ha skissene før vi startar på besøksrunden til skulane i veke 9. Fristen er difor sett til 22.02. De kan sende skissa til Anne Gro (anne.gro.dalland@hib.no). Vi presiserer at det er denne fristen som er den gjeldande. Det har diverre lurt seg inn ein trykkfeil i eposten som vart sendt ut i forrige veke (Der stod det 22. 03.)

Samlinga torsdag

2008-01-22T11:17:00.000+01:00

Deltakarlista er no oppdatert, og som de ser har dei aller fleste skulane meldt seg på. Dei fleste skissene som er komne inn er relativt 'tynne'. Det betyr vel at det er endå viktigare at denne samlinga blir ei 'arbeidssamling' der vi skal kome så langt som mogeleg når det gjeld å konkretisere kva opplegga dykkar skal innehalde.

I løpet av samlinga vil de få høve til å presentere tankane dykkar om opplegga og diskutert dykkar prosjekt med andre deltakarar som arbeider med tilgrensande tema. Det er også sett av tid til at lærarane på kvar skule sit saman og arbeider med innhaldet. Resultatet håpar vi er ei nokså detaljert prosjektskisse med tidsplan som kan fylgje avtalen vi inngår med den enkelte skule.

Me ynskjer dykk vel møtt til samlinga!

Program for samlinga 24.-25. januar

2008-01-08T23:51:00.000+01:00

Godt nytt år!
Programmet for samlinga i januar er no lagt ut under 'sentrale dokument' til høgre. Som nemnt tidlegare er hovudføremålet med denne samlinga å få konkretisert det historiefaglege og didaktiske innhaldet i prosjekta dykkar. Merk dykk også at vi torsdag føremiddag ynskjer å diskutere nærare prosjektavtalen vi vil inngå med den enkelte skule. Vi håpar dei som har anledning til det kan stille med rektor eller andre frå administrasjonen til å delta i denne økta.

Har du spørsmål av praktisk art, ta gjerne kontakt med anne.gro.dalland@hib.no. Dreier det seg meir om det faglege, så står eg til disposjon bente.brathetland@hib.no.

Velkommen til samlinga!

Seminar 24. - 25. januar 08

2007-12-05T13:23:00.000+01:00

Vi ynskjer alle lærarar og rektorar (el. evt. andre i administrasjonen) som deltek i prosjektet velkommen til samling i Bergen 24.-25.01.08. Det faglege vil føregå på Landås som sist. Dei som treng overnatting vil bli innkvartert på Strand hotell i Bergen og det sosiale torsdagskvelden vil også gå føre seg i sentrum.

Seminaret vil i fyrste rekke handle om å konkretisere det historiefaglege og didaktiske innhaldet i opplegga dykkar. Vi ynskjer å arbeide tematisk i høve til skissene de har levert (frist 18.12). Vi vil også kople til oss ressurspersonar spesielt for desse temaene til samlinga.

Liste over påmeldte ligg under 'sentrale dokument' til høgre. Her finn du også ei førebel liste over innmeldte tema som skulane ynskjer å jobbe med i prosjektperioden. Har du enno ikkje meldt deg på eller levert skisse - ta k0ntakt med Anne Gro (anne.gro.dalland@hib.no) snarast. Detaljert program blir lagt ut her rett over jul.

Prosjektplan

2007-12-05T13:16:00.000+01:00

Den endelege prosjektplanen er no klar. Du finn den under 'Sentrale dokument'. Bruk den gjerne for å informere om prosjektet på skulen eller ovanfor andre partar.